26 Apr 2026

Barui ba kgaolo ya Kweneng ba gakolotswe go laola motsamao ya le leruo, maikaelelo e le go thibela kanamo ya bolwetse jwa tlhako le molomo.

Motshwarelela tona wa lephata la lefatshe le temo thuo, Dr Edwin Dikoloti o buile jalo mo phuthegong ya therisano kwa kgotleng ya Molepolole ka Labotlhano.

Dr Dikoloti a re boamaruri ke gore tshwaragano ya setshaba le puso e ka tlisa phenyo kgatlhanong le tlhako le molomo.

A re barui ba  tlhatlhele le go disa leruo gore ba kgone go laola motsamao wa bone.

Dr Dikoloti o lebogetse maiteko otlhe a dirwang go laola motsamao wa leruo jaaka tiro e tsweletseng ya boithaopo ya go baakanya terata e laolang mathoko a leruo ya Dibete ya dikhilomethara tse 187.

Le fa go ntse jalo, barui ba kopile puso go thusa ka go kokoanya tsotlhe tse di ka tlaleletsang maiteko a dirwangvke setshaba go lwantsha tlhako le molomo. BOKHUTLO