19 Jun 2021

 E rile ka Labotlhano, Batswana ba ba tsereng lemao la ntlha la AstraZeneca le le sireletsang kgatlhanong le segajaja sa COVID-19 ka Mopitlo, ba tsaya lemao la bobedi e le la  bofelo mo setlhopheng sa bagolo ba ba dingwaga tse 75 le go feta.

Fa a fetsa go tsaya lemao la gagwe la bofelo mo Gaborone, Dr Dr Festus Mogae, e le mongwe wa basimolodi ba mokento o, o ne a rotloetsa Batswana ba ba emetseng go tla go tsaya lemao la bobedi e bile e le la bofelo go fefosa dinao.

 O ne gape a kgothatsa ba ba iseng ba tsee mokento mme ba o emetse, a re go botlhokwa ka jaana e re ntswa mokento o sa fodise COVID-19, o tlaa thusa go fokotsa dintsho.

Dr Mogae o ne a tswelela a rotloetsa badiredi ba botsogo go itlhaganelela go kenta, mme gape a re o tlhaloganya seemo sa gore mekento e diega go goroga.

E rile a tswa la gagwe, Dr Dikoloti le ene a gatelela botlhokwa jwa go tsaya lemao la bofelo., a gakolola ba ba emetseng lemao la bobedi go ela tlhoko letsatsi le ba le beetsweng go tla go tsaya lemao gape.

 Dr Dikoloti o ne a tlhalosa gore mokento o bereka fela fa o tserwe otlhe, mme a rotloetsa botlhe ba ba tsereng lemao la ntlha go ipaakanyetsa la bobedi.

E re go ntse go tsweletse jalo, ba botsogo ba simolotse go kenta setlhopha sa dingwaga tse 55 go ya kwa 74 ka lemao la ntlha la AstraZeneca.

Legato la ntlha la mokento o, le ne la simololwa ka mokento wa AstraZeneca o o tsewang gabedi ka katologano ya dikgwedi tse tharo go tswa mo lemaong la ntlha.

Ends