14 Dec 2020

Kgosi Lotlaamoreng wa Barolong o galaleditse babereki ba lephata la dikago go bo ba abetse ba ba dikobo dikhutshwane dimpho tsa Keresemose. 

Kgosi Lotlaamoreng o ne a le kwa moletlong wa go abela mo-na-le bogole dijo le melora ke ba lephata la dikago.

A re ba supile lorato ka go dira jalo.

A re ba tlaa segofala go bo ba bone go tshwanela go dira tiro e ntle e.

Modiri kwa ofising ya dikago, Rre David Molwanta o tllhalositse fa baithaopi ba komiti ya botsogo ba ne ba simolola go kgobokanya madi ngwaga o simologa ka maikaelelo a go thusa mongwe. 

O kaile fa ba ne ba nna le koleke ya melora kgwedi le kgwedi le go kgobokanya madi.

A re ba ne ba na le mananeo jaaka go rekisa dimonamone, e le go leka go kgobokanya madi gore ba tle ba kgone tiro e.

Motsadi wa ngwana yo o neng a abelwa, Mme Susan Pitso o akgotse lephata la dikago go bo le bone go tshwanela gore le thuse ngwana wa gagwe.

A re o ntse a gama a ikotelela. BOKHUTLO