17 Sep 2020

Lekgotla la Sir Ketumile Masire Foundation le abetse bagodi ba kgotla ya Morema kwa Mochudi melora e e tlhapang.

Morongwa wa mokgatlho oo, Mme Grace Peterson, a re go botlhokwa go gopola ba ba senang bokgoni jwa go itirela mo nakong e  lefatshe le aperwe ke segajaja sa COVID-19.

O kopile komiti ya ditlhabololo tsa motse le lephata la boipelego go phutha difaele tsa ba-na-le bogole, bagodi le masiela gore ba ba ba nang le keletso ya go aba  ba itse gore ke bafe ba ba tlhokang thata.

Modulasetilo wa khansele ya Kgatleng, Rre Daniel Molokwe, o ne a kopa ba ba abetsweng gore ba ikoketse mo go tse ba di filweng.

O ne a kgothatsa Sir Ketumile Masire Foundation go tsweledisa tiro e ntle eo.

Rre Molokwe o kopile ba ba nang le bokgoni go akanyetsa bana ba dikolo, bogolo jang ba basetsana ka tse di tlhapang, mesangwana ya bomme le tse dingwe. BOKHUTLO