Kgosi Gaoonwe o emela Letlhakeng kwa Ntlo ya Dikgosi
10 Nov 2019
Kgosi Itsoseng Gaoonwe wa Letlhakeng kwa Kweneng o tlhophilwe moemedi wa kgaolo ya Letlhakeng kwa Ntlo ya Dikgosi.
Mo magosing a le 129 a a neng a tlhopha kwa Letlhakeng ka Labone, 99 e ne ya tlhopha Kgosi Gaoonwe fa kgosi Aobakwe Molaole yo a neng a iteisanya borathana le ene a ne a tlhophiwa ke ba le 34 fa tse pedi di ne di senyegile.
Ga se la ntlha Kgosi Gaoonwe a ya Ntlo ya Dikgosi.
E rile fa a amogela maduo kgosi Molaole wa Motokwe o ne a supa fa a itumeletse botlhe ba ba mo tlhophileng, a bo a akgolela Kgosi Gaoonwe go tlhophiwa labobedi go ya ntlong ya dikgosi.
Kgosi Gaoonwe le ene o ne a akgolela Kgosi Molaole phadisanyo e a e mo fileng, a bo a leboga botlhe ba ba mo tlhophileng, a ba solofetsa go tswelela a ba emela le dikeletso tsa bone. BOKHUTLO
Source : BOPA
Author : Puseletso Kenyaditswe
Location : LETLHAKENG
Event : Tlhopho ya Kgosi
Date : 10 Nov 2019
Related News
19 Jan 2026
19 Jan 2026
A moretlwa o lele kwa dikoleng - kgosi
19 Jan 2026
Tona o ikuela mabapi le dikoloto tsa metsi
15 Jan 2026
Puso e araba kopo ya banni
14 Jan 2026