Ba ga Mmangwato ba rapelela pula
18 Nov 2015
E re ka jaana pula e sa tlhole e na jaaka tlwaelo, ba Gammangwato ba tsweletse ka go kopa Ramasedi gore a ba nesetse pula.
E ne ya re ka letsatsi la tshipi dikereke ka go farologana tsa phuthegela kwa kgotleng kgolo go rapelela pula.
E rile fa a amogela morafe, motshwarelela bogosi jwa Bangwato Kgosi Sediegeng Kgamane a tlhalosa fa e rile a bolotsa letsema a tlhalosetsa morafe gore fa pula e ka diega ba tlaa tshwanela go phuthega mme pula e rapelelwe gape.
Kgosi Kgamane o tlhalositse fa merapelo e, e tlaa tsaya malatsi a le supa ka jalo o kopile morafe go iketleetsa kwa kgotleng go ya go rapelela pula. O ne a kopa morafe go ema ka dinao ba rapelela pula a tlhalosa fa Modimo o seke o palelwa ke sepe.
O ba kopile go rapela ba nonofile mo tumelong e bile ba le seopo sengwe. Bokhutlo
Source : BOPA
Author : Mariam Onyafetse
Location : Serowe
Event : Merapelo
Date : 18 Nov 2015
Related News
06 Apr 2026
02 Apr 2026
Barutabana ba Borwa ba ipelela phenyo
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026