17 Sep 2015

Lephata la temo loapi la re go tlaa dika go le leshekere la pula mo pakeng eno ya temo. Ba boletse bosheng fa seemo sa pula se tlaa dika se le boutsana, mme se se bakwa ke seemo se se sa iketlang sa loapi sa (ElNino).

Mookamela lephata la ba tepo loapi, Rre Thabang Botshoma, o boletse fa ba sekasekile seemo sa selekanyetso sa pula e e solofetsweng go na monongwaga, mme go supafala fa pula e tlaa nna boutsana.

Rre Botshoma a re Borwa jwa lefatshe leno bo tlaa lebagana le letlhoko le le tseneletseng la pula mo pakeng eno ya temo.

Dikgaolo tsa borwa botlhaba tse di akaretsang Kgatleng, Kweneng, Borwa le Kgalagadi le tsone di tlaa itemogela letlhoko le legolo la pula. Dikgaolo tsa Ngami, Bokone Botlhaba, Bokone Bophirima Chobe le Legare di tlaa itemogela selekanyo sa pula se se lekanetseng. Bokhutlo