25 Jun 2015

Kgosi Hatshejotlhe Phologo-Seitsang wa Makopong o tlhokafetse kgwedi eno e le masome a mabedi  morago ga go lwala ka lobaka.

Go ya ka mongwe wa masika a moswi, Rre Donald Seitsang, kgosi o simolotse go etelela morafe wa Makopong ka ngwaga wa 1982 go fitlha a tlhokafala.

Rre Seitsang o supile fa Kgosi Phologo-Seitsang a ne a tsena mo setilong sa bogosi morago ga go  tlhokafala ga ga rraagwe, Mmusi Phologo, yo o neng a setse a tlogetse tiro ya bogosi ka bogodi.

O kaile fa Kgosi Phologo-Seitsang a eteletse pele morafe wa Makopong o o akaretsang Barolong, Bangologa le Baherero dingwaga di le masome a le mararo le boraro go fitlhelela a tlhokafala.

Rre Seitsang o  ne a tswelela ka go tlhalosa fa dithulaganyo tsa phitlho ya ga kgosi di tsweletse sentle mme tsholofelo ke gore o tla fitlhwa kgwedi eno e le masome a mabedi le bosupa kwa Makopong.

O tlogela mohumagadi wa gagwe le bana ba le bane bomme ba le ba bedi le borre ba ba bedi. BOKHUTLO