Monna mongwe o tlhasetse kgosi
29 Dec 2015
Motshwarelela bogosi jwa Batawana, Kgosi Kealetile Moremi, o batlile a bona go se gontle ka Labone fa a ne a tlhaselwa ke rre mongwe kwa ofising ya gagwe kwa kgotleng kgolo.
Go ya ka mogolwane wa mapodisi a Maun, Superintendent Peter Gochela, rre yoo, yo o dingwaga tse masome a mararo le borataro wa kgotla ya Boseja kwa Maun, o tsene kwa ofising ya ga kgosi a sa letlelelwa.
O ne a betsa Kgosi Moremi ka lebole mme kgosi a tlhaba mokgosi. Kgosi o ne a namolwa ke mapodisi le batho bangwe ba ba neng ba le foo.
Superintendent Gochela a re ba santse ba tshegeditse rre yo, mme e tlaa re morago a isiwe fa pele ga lekgotla go lebisiwa molato wa titeo e potlana. Bokhutlo
Source : BOPA
Author : Onalenna Mokhawa
Location : Maun
Event : Potsolotso
Date : 29 Dec 2015
Related News
06 Apr 2026
02 Apr 2026
Barutabana ba Borwa ba ipelela phenyo
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026