02 Nov 2014

Motse wa Molapowabojang mo kgaolong ya Borwa o tla ipelela dingwaga tse di lekgolo kgwedi yone e.

Motse o dikhilomethara di le lesome le botlhano go tswa mo toropong ya Lobatse o tlhomilwe ka 1914. Mo potsolotsong bosheng, modulasetilo wa komiti e e baakanyetsang moletlo oo, Rre Lucky Moswetsi o boletse fa moletlo oo o tlaa tshwarwa Ngwanatsele a le masome mabedi le boroba bongwe.

A re moletlo oo, o tlaa bo o tshwerwe ka fa tlase ga setlhogo se se reng, dingwaga tse di lekgolo re tsweletse re tlotlomatsa maiteko a borrarona mogologolwane mo go berekeng ka bokgabane go tlhabolola motse.

O tsweletse a re ba tlhomile dikomiti tse di farologaneng tse di itebagantseng le ditiro ka go farologana ga tsone. Rre Moswetsi o kopile banana ba motse oo ba ba mo lefatsheng leno ka bophara  le botlhe ba ba eletsang go rotloetsa tiro e go ntsha seabe sa bone  kwa bankeng ya Barclays,Molapowabojang centenary  account number. BOKHUTLO