25 Sep 2014

Lephata la bong kwa Kanye  le ntshitse  P2 million go rotloetsa dikgwebo tse di potlana di le lesome le bobedi.

Mogolwane wa lephata leo, Mme Tebogo Motlogelwa a re mo dikgwebong tseo, di supa di santse di dira sentle, tse tharo di ole fa di le pedi di santse  di tla simolodisiwa.

A re dikgwebo tse di berekang di akaretsa Soon and Soon Investment Poultry, Batsogapele Leather Works, Gamokgomana Toilet Paper and  Diapers, Onae Farmers  Group Smallstock, Mmamokhasi Vegetable Production, Gamodenaka Brick Moulding le Bana Ba Motho Theatre Artists.

O tsweletse a re  tse di oleng di akaretsa  Gotlhajwang (Pty) Ltd poultry, Tease Brick Moulding le Kanatla Forestry fa Morakana Matheaphiri Smallstock le Bammogo Investment Smallstock tsone  di tla a simolodisiwa.

Bomme bale masome a mane le bosupa le borre ba robabobedi ke bone ba dirang ditlhopha tse di lesome le bobedi tseo, tse dingwe di simolotseng ka go dira ka 2010. Bokhutlo