Komiti e fa Mbolawa thobo
04 Sep 2014
E rile bosheng komiti ya balemi le ya dikgafela kwa Khudumelapye mo kgaolong potlana ya Letlhakeng ba abela Mme Mmamatlotla Mbolawa dikgetsi tsa mmidi di le tlhano, ya mabele le ya dinawa.
Modulasetilo wa komiti ya dikgafela, Mme Senwelo Ramokobetwane o tlhalositse fa ba abile dimpho tse ba itebagantse le letshego la tebelopelo la 2016 le le reng setshaba se se kutlwelobotlhoko, ka jalo ba tsere tshwetso ya gore ba abele ba ba tlhokileng lesego mo botshelong.
Fa a amogela dijo tseo, Mme Mbolawa o supile fa a leboga komiti eo go supa mowa wa bopelotlhomogi mo go ba ba sa itsholelang.
O ba akgoletse go kgothatsa balemi go tsaya temo tsia gore ba ntshe thobo e ntsi go tswelela ba thusa ba ba tlhokileng lesego mo botshelong. Bokhutlo
Source : BOPA
Author : Senkokame Dibeko
Location : LETLHAKENG
Event : Kabo-dimpho
Date : 04 Sep 2014
Related News
10 Oct 2025
Madziba o itshetsa ka dikiriba
08 Oct 2025
Ba supa fa madi a bagodi a fetotse matshelo
07 Oct 2025
Khansele tsa Lobatse le Bollnas ba etela Kgari
07 Oct 2025
Elang tlhoko diphologolo
07 Oct 2025