Mapodisi a Ghanzi a batlisa moswi masika
27 Jul 2014
Mapodisi a Ghanzi a kopa setshaba go ya go bona setopo sa monna wa dingwaga tse di fa gare ga masome a mararo le botlhano go ya kwa go masome a mane mo setsidifatsing sa sepatela sa Ghanzi.
Ramapodisi a Ghanzi, Superintendent Christopher Molobe a re monna yoo, o fitlhetswe a tlhokafetse morago ga gore koloi e a neng a e palame e pitikologe mo tseleng ya Kang/Ghanzi.
Superintendent Molobe a re kotsi eo e diragetse mo maphakeleng ka nako ya botlhano go ya kwa go ya borataro kgwedi ya Phukwi e le lesome le bobedi mme o ne a tsamaya ka koloi ya Toyota Hilux 4X4.
Superintendent Molobe a re moswi o fitlhetswe a sa tshwara sepe se se ka mo supang le go tlhalosa gore ke motho wa kae, jalo o kopa setshaba go itshwaraganya le mapodisi a Ghanzi kana mapodisi a a gaufi le bone. BOKHUTLO
Source : BOPA
Author : Fredricah Nguahoka
Location : GHANZI
Event : Pego ya sepodisi
Date : 27 Jul 2014
Related News
13 Oct 2025
13 Oct 2025
Mopamente o aba ntlo
10 Oct 2025
Madziba o itshetsa ka dikiriba
08 Oct 2025
Ba supa fa madi a bagodi a fetotse matshelo
07 Oct 2025