12 May 2014

Setshaba se kopilwe go dirisa mananeo a puso ka fa tshwanelong gore a seka a phutlhama.

Mafoko a, a builwe bosheng ke kgosi ya motse wa Taung Kgosi Lebogang Masie jaaka a ne a amogela batsena thutopuisano ya   nyeletso lehuma .

Kgosi Masie o ba kopile gosomarela thata dithut tse ba dineelwang le gone go atla le go atisa se ba tla a se neelwang.

O  tlhalosistse gore ba  shwanetse ba lemoga gore gaba patelediwe mananeo  jalo  go  botlhokwa gore ba itlhophele se ba se  batlang.

E rile  a ntsha la gagwe mogolwane go tswa kwa ofising ya boipelego kwa Ramotswa Mme Semakaleng Moamogwe, a supa fa go se monate go kopela ruri mme go le botlhokwa gore motho  le   ene a ipone a kopiwa  nako nngwe.

A re, lefatshe le le kile la ne le  balelwa  mo go  a a humanegileng thata  ka nako ya  le   tsaya   boipuso mme  la tswa  ka  mananeo  a  a  farologaneng   go  thusa  Batswana. 

O  boletse   fa   mo  nakong  eno,  puso  e   itebagantse  le go thusa batho ba ba farologaneng go akaretsa le  batlhoki   ba  ba  thusiwang  ke  ofisi   ya    boipelego   ka   dijo.  

O  kaile   fa   maikaelelo  e  le  go  ruta   ba  ba  santseng  ba  na le   natla  ka mananeo  a  a  farologaneng  gore  ba  tle   ba  supe  kgatlhego   ya   bone  mo   go  se  ba ka se  kgonang  go kgona  go  fetola   matshelo   a  bone.

Mme Moamogwe o supile gore ba ba tla a tsayang mananeo mme  ba phakisiwa dijo, ba tlaa tswelela ba phaka sebaka sa ngwaga   tse   lhano, mme morago   ba tla a   sutlhiwa  mo  mophakong  ka  go  tla  a  bo  go  solofelwa  fa  ba  setse  ba itiretse  sengwenyana.

A re batho ga ba patelediwe mananeo ka jalo go botlhokwa  gore  ba le aramele  lesa ba tlhabetse ka ga  ba itse se se tla  a diragalang mo  dingwageng tse di tlang.

Mme Moamogwe o tlhalositse gape gore go botlhokwa gore fa batlhoki ba tsaya mananeo,ba rerise ba malwapa a bone gore e re  fa go  na le bothata  ba thusane.

O  ba  tlhaloseditse  fa  ba tla  a rutiwa  go  tsamaisa  dikgwebo  tsa  bone mme  a  ba  kopa gore   le  bone  ba  rute  ba  malwapa  a  bone. Bokhutlo