Marekisetso a dino a thubilwe
05 Mar 2014
Dilalome di thubile tsa bo tsa utswa kwa marekisetsong a Liquorama mo kgotlaneng ya Khurakhura kwa Ghanzi.
Mo puisanong le mookamela mapodisi a Ghanzi, Superintendent Christopher Molobe a re, ba begetswe tiragalo e ka mosupologo, mme a re go supagetse gore go thubilwe mo bosigong jwa matlhatso kgwedi ya Mopitlo e rogwa.
Supt Molobe a re dilalome tseo di butse marulelo kwa godimo mme tsa tsena mo teng ga marekisetso. O tlhalositse fa dithoto tse di utswilweng di ka lopa madi a a ka tshwarang P52 000 kana go feta.
A re ba santse ba le mo patlong ya dilalome tseo tse a reng ga ise ba itse gore ba ne ba le kae ka palo, mme a re ba tshegeditse monna mongwe wa dingwaga tse di masome a mararo le botlhano go ba thusa ka ditlhotlhomiso mabapi le tiragalo eo. BOKHUTLO
Source : BOPA
Author : Omogolo Hans
Location : GHANZI
Event : Potsolotso
Date : 05 Mar 2014
Related News
02 Apr 2026
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026