Tlotlang mabitla le dintsho
03 Oct 2013
Diphuthego tsa dikereke tse di farologaneng di kgalemeletswe medumo mengwe e e kaiwang e sa amogelesege kwa mabitleng le kwa dintshong.
Kgalemo e e dirilwe ke modulasetilo wa komiti ya baruti kwa Khudumelapye Rre Kgamane Mothupi kwa tshimolodisong ya kgwedi ya merapelo kwa motseng oo bosheng. Rre Mothupi o kopile baruti ba dikereke le maloko a tsone ka go farologana go emisa medumo ya diletso, meropa le go opa diatla kwa mabitleng kana mo lesong.
O tlalositse fa dikereke di ka dira jalo kwa kerekeng fa moswi a sena go tsewa kwa setsidifatsing.
O tsweletse a supa gore kwa mabitleng le kwa lesong go a bo go kopane batho ba ditumelo ka go farologana. Rre Mothupi o kopile kemo nokeng mo malokong a dikereke ka go farologana go dirisana le bone e le komiti ya baruti. BOKHUTLO
Source : BOPA
Author : Senkokame Dibeko
Location : Letlhakeng
Event : Kgwedi ya merapelo
Date : 03 Oct 2013
Related News
06 Apr 2026
02 Apr 2026
Barutabana ba Borwa ba ipelela phenyo
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026