29 Oct 2019

Banni ba metse e e welang ka fa tlase ga kampa ya sepodisi ya Masunga ba akgoletswe boitshwaro jo bontle jo ba nnileng le jone ka malatsi a a sa tswang go wela a boitapoloso.

Malatsi ao a ne a seegelwa kwa thoko go nna a boitapoloso, go fa Batswana sebaka sa go tsaya karolo mo ditlhophong tsa setshaba tsa monongwaga tse di neng di tshwerwe Phalane a le masome a mabedi le boraro.

E rile a bua mo potsolotsong le BOPA maabane, Mookamela mapodisi a Masunga, Superintendent Gaolatlhe Ngayaya a supa fa morafe wa kgaolo ya gagwe o ne o itshwere sentle, ba supa fa ba itebagantse le go diragatsa tshwanelo ya bone. Superintendent Ngayaya a re le ntswa go nnile le difatlhinyana fale le fale, fela boitshwaro e ne e le jo bo itumedisang, ka e bile ba sa amogela tiragalo epe ya dikotsi tsa tsela, tse gantsi e leng tsone di tshwenyang ka malatsi a boitapoloso.

Mookamela mapodisi o ne a gwetlha baagi mo kgaolong go tshegetsa mowa oo go ya go ileng.

A re le fa go ntse jalo, ba ne ba begelwa ditiragalo tse pedi tsa go thujwa ga matlo go bo go utswiwa dilwana kwa metseng ya Masunga le Mosojane Phalane a le masome mabedi le bosupa. Superintendent Ngayaya a re mo ditiragalong tseo ka bobedi, go ne ga utswiwa dithelebishene tse pedi le dekhoudara, a bo a supa fa ba ise ba tshware ope mabapi le ditiragalo tseo, ka moo a ikuela mo setshabeng go ba thusa go tshwara maepantlo ao.

Go ntse go le foo, Superintendent Ngayaya o boletse fa ba tlhotlhomisa tiragalo e mo go yone rre mongwe wa dingwaga tse di masome mabedi le motso wa Sekakangwe a fitlhetsweng a tlhokafetse mo ntlong ya gagwe ka Tshipi, mme go lebega a nole sengwe se se nang le botlhole.

A re moswi o ne a itotleletse mo ntlong mme o ne a bonwa ke ba losika, morago ga go okomela mo ntlong ya gagwe mo mosong, ba sena go lemoga fa a sa bonale kwa ntle.

O ne a ragosediwa kwa kokelong ya Masunga kwa go tlhomamisitsweng fa a tlhokafetse teng. Superintendent Ngayaya a re ba losika la moswi, ba re moswi o ne a sa supe sekgopi sepe se se ka bakang gore a ikgapele botshelo. Ka nako ya fa kgang e e kwalwa, setopo se ne se le kwa setsidifatsing sa kokelo ya Masunga go tlhatlhojwa ke dingaka. Superintendent Ngayaya o kopile batho go nna ba lekodisa bangwe ba ba tshwanang le ba sepodisi, boipelego, dikgosi, baruti le babangwe fa go na le sengwe se se ba tshwentseng, go na le go tsaya tshwetso ya go ikgapela botshelo.

A re go dira jalo go ka ba imolola mo moweng. BOKHUTLO- Banni ba metse e e welang ka fa tlase ga kampa ya sepodisi ya Masunga ba akgoletswe boitshwaro jo bontle jo ba nnileng le jone ka malatsi a a sa tswang go wela a boitapoloso.

Malatsi ao a ne a seegelwa kwa thoko go nna a boitapoloso, go fa Batswana sebaka sa go tsaya karolo mo ditlhophong tsa setshaba tsa monongwaga tse di neng di tshwerwe Phalane a le masome a mabedi le boraro.

E rile a bua mo potsolotsong le BOPA maabane, Mookamela mapodisi a Masunga, Superintendent Gaolatlhe Ngayaya a supa fa morafe wa kgaolo ya gagwe o ne o itshwere sentle, ba supa fa ba itebagantse le go diragatsa tshwanelo ya bone. Superintendent Ngayaya a re le ntswa go nnile le difatlhinyana fale le fale, fela boitshwaro e ne e le jo bo itumedisang, ka e bile ba sa amogela tiragalo epe ya dikotsi tsa tsela, tse gantsi e leng tsone di tshwenyang ka malatsi a boitapoloso.

Mookamela mapodisi o ne a gwetlha baagi mo kgaolong go tshegetsa mowa oo go ya go ileng.

A re le fa go ntse jalo, ba ne ba begelwa ditiragalo tse pedi tsa go thujwa ga matlo go bo go utswiwa dilwana kwa metseng ya Masunga le Mosojane Phalane a le masome mabedi le bosupa. Superintendent Ngayaya a re mo ditiragalong tseo ka bobedi, go ne ga utswiwa dithelebishene tse pedi le dekhoudara, a bo a supa fa ba ise ba tshware ope mabapi le ditiragalo tseo, ka moo a ikuela mo setshabeng go ba thusa go tshwara maepantlo ao.

Go ntse go le foo, Superintendent Ngayaya o boletse fa ba tlhotlhomisa tiragalo e mo go yone rre mongwe wa dingwaga tse di masome mabedi le motso wa Sekakangwe a fitlhetsweng a tlhokafetse mo ntlong ya gagwe ka Tshipi, mme go lebega a nole sengwe se se nang le botlhole.

A re moswi o ne a itotleletse mo ntlong mme o ne a bonwa ke ba losika, morago ga go okomela mo ntlong ya gagwe mo mosong, ba sena go lemoga fa a sa bonale kwa ntle.

O ne a ragosediwa kwa kokelong ya Masunga kwa go tlhomamisitsweng fa a tlhokafetse teng. Superintendent Ngayaya a re ba losika la moswi, ba re moswi o ne a sa supe sekgopi sepe se se ka bakang gore a ikgapele botshelo. Ka nako ya fa kgang e e kwalwa, setopo se ne se le kwa setsidifatsing sa kokelo ya Masunga go tlhatlhojwa ke dingaka. Superintendent Ngayaya o kopile batho go nna ba lekodisa bangwe ba ba tshwanang le ba sepodisi, boipelego, dikgosi, baruti le babangwe fa go na le sengwe se se ba tshwentseng, go na le go tsaya tshwetso ya go ikgapela botshelo.

A re go dira jalo go ka ba imolola mo moweng. BOKHUTLO