24 Sep 2019

Makhanselara a kgaolo ya Legare a akgoletse puso go araba dingongora tsa badirelapuso tsa kokeletso madi morago ga lebaka ba ntse ba sa okelediwe.

Ba buile jalo fa ba akgela mo pegong ya modulasetilo wa khansele ya Legare, Rre Peter Williams, kwa phuthegong ya khansele eo kwa Serowe bosheng.

Makhanselara a re maiteko a,a ba tiisitse moko mo tirong.

Ba akgoletse Rre Williams go bo a gogile khansele ngwaga tse tlhano ka botswerere.

Ba boletse fa a ne a ba tsaya sentle ka tekatekano a sa sekamela gope.

 Makhanselara a re bodiredi jwa khansele le jwa puso bo ne bo dirisana sentle le bone go sena dikgogakgogano.

Ba boletse fa ditiro dingwe tsa ditlhabololo di diragetse fa dingwe di sa kgonagala ka letlhoko la madi.

Ba ba tlaa emelang ditlhopho ba ne ba elediwa masego le matlhogonolo mo ditlhophong tse di tlang. Bokhutlo