Lorekang o tlhokafetse
16 Nov 2016
Kgosi Setlhare Lorekang wa Maubelo kwa kgaolong ya Kgalagadi o tlhokafetse.
Kgosi, yo o lwetseng ka lobakanyana, o tlhokafetse kgwedi eno e ferabobedi kwa kokelong ya Tsabong..
Go ya ka Rre Fannel Mmereki yo e leng motlogolo wa ga Kgosi Lorekang, moswi o simolotse tiro ya bogosi e le kgosana e e sekisang ka 1985, mme ya re ngogola ka Lwetsi a tlogela tiro ka bogodi le bokoa.
A re Kgosi Lorekang o ne a rerisana le morafe fa a tlogela tiro mme a eletsa gore morwae, Rre Phllip Lorekang a mo tlhatlhame.
Rre Mmereki o supile fa morafe o ne wa dumalana ka bongwefela jwa pelo mme Kgosi Phillip Lorekang a bewa semmuso monongwaga ka Phukwi.
Moswi o tshotswe ka 1937 mme o tlaa bolokwa ka Matlhatso teng kwa Maubelo.
Moswi o tlogela mohumagadi le bana ba le lesome le bongwe. BOPA
Source : BOPA
Author : Cathrine Simane
Location : Maubelo
Event : Potsolotso
Date : 16 Nov 2016
Related News
06 Apr 2026
02 Apr 2026
Barutabana ba Borwa ba ipelela phenyo
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026