Ntlo e shele ya ba ya lora
04 Oct 2016
Mapodisi a Kanye a tlhotlhomisa tiragalo ya go sha ga ntlo kwa Gasegwagwa maphakela kgwedi eno e tlhola malatsi a mabedi.
Go ya ka mogolwane wa mapodisi a Kanye, Superintendent Mmoloki Mogale, e rile ka Sontaga maphakela, mme wa dingwaga tse di masome a mabedi le bosupa wa Gasegwagwa a ba begela fa ntlo ya gagwe e shele ya ba ya lora. Superintendent Mogale a re mme yoo o ba begetse fa ntlo eo e shele mo ba sa kgonang go ntsha sepe mo go yone.
A re ba mo patlong ya monna mongwe yo o tlholegang kwa Kokotsha mo kgaolong ya Kgalagadi Borwa mabapi le tiragalo e.
Le fa go ntse jalo ditlhotlhomiso tsa mapodisi di sa ntse di tsweletse. BOKHUTLO
Source : BOPA
Author : Ikotlhaeng Rantopele
Location : KANYE
Event : interview
Date : 04 Oct 2016
Related News
02 Apr 2026
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026