31 Aug 2016

Lenaneo la ipelegeng mo kgaolong potlana ya Boteti le tla dira ditiro di le masome a robabobedi le bone mo ngwageng  wa madi wa 2016/17.

Mogokaganyi wa lenaneo le wa kgaolo  potlanang ya Boteti  Rre  Solomon Nkanokang  o tlhaloseditse se phuthego ya khansele kwa Letlhakane bosheng .

O boletse gore manaeo aa akaretsa  a le borobabedi   dipaakanyo tsa dikago tsa puso,ale borobabedi a go kgaolwa ga ditlhare mo thoko ga tse ,ale matlhano a dikago tse di botlana,golaolwa ga go gasagasiwa ga matlakala le go selwa ga matlakala mo motse ele lesome le borobabobedi,go tsosiwa  ga terata mo motseng o le mongwefela    le go epiwa ga matamo mo metseng e le mebedi .

Rre Nkanokang a re batho bale 9 688 ba setse ba akotse lenaneo la ipelegeng fa e sale ngwaga  wa madi wa 2016/17 o simologa a supa fa mo go bone bale 6 377 ele bomme ,borre bale 3 311 mo go bone bale 5 266 ke banana.

A tlhaloosa gore selekanyo sa phiro ya lenaneo la ipelegeng ke 2422 ka kgwedi.O ne gape a re ba hirile batho bale 439 ba lenaneo la  Green Scorpion mo go bone bale 344 ke bomme ,borre bale 95  fabanana bale 231.

Rre Nkanokang  a re dikgwetlo tse ba di itemogelang ke tshologelo ya batho ba ba batlang go tsenelela lenaneo la ipelegeng mo go dirang gore go nne le mola o moleele .

Are bontsi jo bo dira gore batho ba bone sebaka gangwefela kana gabedi mo ngwageng.

A re ba tla kopa lephata gore le oketse dipalo tsa babereki  ba ipelegeng,fa  ka kgang ya dipalamo a re batla tswelela ba kopa mo maphateng  a mangwe. BOKHUTLO