19 Apr 2015

Ba Sepodise sa kgaolo ya Gobojango ba bone gole maleba gore banne seabe mo go ageleng mme Elinah Twoboy ntlwana ya boiteketso le go mo abela dijo ka e le motlhoki ebile e le mogodi wa dingwaga tse 72 goitsa go tsamaya sekgala se seleele a batla thuso.

Go buile jalo Sub Inspector Odirile Sepego a re ba dira tiro eo ya kabo ya dijo le tse dingwe ele go diragatsa lengwe la matshe a Tebelo pele ya 2016 e le bontlha bongwe jwa tshaba e e kutlwalo botlhoko gape e le lorato.

Sub Inspector Sepego o tlhalositsi fa bane bantsha madi ao modipateng tsa bone bana le macluster a kgaolo ya Gobojango le morafhe wa motse wa Gobajango.

O tlhalositse fa badira le setsha go kgona maitlamo a sepodise,a tlatsa ka gore basimolotse go kgobokanya madi a go aga ntlwana eo ka ngwaga wa 2014 ka kgwedi ya Phukwi,a re lefa bana le dikgwetlho tsa borukuthi ja leruo le lenyelelang ba nne le maiteko a dirang lengwe la matshego a Tebelo pele ya 2016 ya tshaba e e kutlwelo botlhoko.

Mogolwane wa sepodisi sa Selebi Phikwe Superintendant Rre Ishmael Morebudi a eme boemong jwa OC NO 10 District a re se se badirang ka go agela motlhoki se botlhokwa mo lefatsheng la Botswana ka ba dira le setshaba golwantsha borukuthi,mme ba bona gole maleba go thusa setshaba e le sepodise bas a leba borukuthi fela.

A re maikaelelo a lefatshe la Botswana ke gore lehuma le nyelediwe,gape ke molaetsa wa tautona ya lefatshe leno go thusa ba batlhokang.

O boletse fa gotlhagogile lenanaeo la gore banana bathusi gore tebelopele e gole,e le ditiro tse ka tsone go tla tlhapelang Batswana ditiro,ka Setswana sare gosego letsogo le leabang.

E ne yare Mme Elinah Twoboy a amogela dimpho tseo a re o leboga batho ba kgaolo ya Gobajango go mothusa go mo agela ntlwana ya boiteketso ka o ne a tsamaya sekgala se seleele go kopa thuso,ebile ba supile fa bakgathala ka botshelo ja gagwe le botsogo,atlatsa ka gore a pula ya medupe e banele.

A supa fa dikgosi le dikgosana tsa metse ya Gobajango ,Semolale le Mabolwe dikgatlhala ka botsogo jwa gagwe.Mokhanselara wa kgaolo ya Maseko e ekaretsang metse ya Mabolwe,Semolale le Gobajango a fa malebo Rre Emanuel Marole a rotloetsa batho ba dikgaolo tseo gore baseka bafelela mo gose basedirileng ka go thusa motlhoki ,batswelele go ya pele.A re sepodisi ga a direlwe golwantsha borukuthi fela,basupile fa bathusa tshaba jaaka badirile ka go aba. BOKHUTLO