09 Apr 2015

Mapodise a  Ramotswa a re a tshwenngwa ke bapagami ba dibaesekele ba ba di  kgweetsang bosigo, mme  di sena dipone tsa  dipekepeke.     

 Mafoko a, a boletswe ke  mogolwane wa mapodise a pharakano  kwa  Ramotswa   Assistant  Superintendent   Agreipa    Gambule,  mo potsolotsong bosheng. 

 ASP    Gambule    o    supile    fa    ba tshwere    bagami ba dibaesekele     ba    le   lesome,   ba   ba   neng  ba   kgweetsa    dibaesekele    ka   nako   ya   borataro    maitseboa   go   ya   kwa   go ya    borataro   maphakela,   di    sena   dipone,   ditloloko     le    tsone   dipekepeke,  ka  malatsi  a  paseka. 

O   boletse    gape    fa    ba    tshwere bakgweetsi  ba  le    masome   a    marataro    le  borobabobedi,   ba    ba   neng   ba    kgweetsa   dikoloi    ka   lebelo    le   le   feteletseng,  fa   ba  le    babedi   ba    tshwaretswe    go    kgweetsa    ba   iphetisitse    dino.

ASP   Gambule o   supile    gape    fa    ba tshwere   batho    ba    le   masome    a    mabedi    le  bobedi,   ba  ba   neng   ba   kgweetsa    ba   sena   diteseletso    tsa   go    kgweeetsa,   fa   ba   le   babedi ba   tshwaretswe   go   kgweetsa   dikoloi    tse    di   sa    kgethelwang.

O   tlhalositse    fa    ba    le    bararo ba  tshwaretswe   go   tsamaya  mo  ditseleng  tse  e  seng    tsa    bone,  fa    ba   bangwe    ba   bararo    ba    tshwaretswe   go    palelwa    ke    go  hemela    mo   taming,  fa  a   le   mongwe    a    tshwaretswe    go    letlelela    batho   ba    ba  senang    teseletso    ya    go    kgweetsa    go  kgweetsa.

ASP  Gambule   o   supile   fa   go    nnile   le   kotsi   e   potlana   e   le   nngwefela    ka    malatsi  a  Paseka,  a  supa    fa    malatsi    a   a   ne   a   iketlile.

 O  kopile   beng ba dibaeskele    go    se  di kgweetse     bosigo    di   sena   dipone    tsa   dipekepeke,  a bo  a   bolela   fa   ba   tla a   tshwara   ope   fela    yo   ba   tla  a mmonang   a   dira jalo.   BOPA