Monana o atlholetswe go utswa mo koloing
05 Mar 2015
Mmakaseterata wa Molepolole, Rre Bhekimpilo Sibanda, o atlhotse Victor Kgolane kgolegelo ya ngwaga le dithupa tse thataro ka molato wa go thuba a bo a utswa madi le dithoto tsa madi a fetang dikete tse thataro.
Mosekisiwa Kgolane, wa dingwaga tse masome a mabedi le bobedi wa kgotla ya Lekgwapheng o lebisitswe molato wa go thuba koloi ya ga Rre Bokamoso Maphepe.
Kgolane yo iponeng molato, a re o ne a dira molato le bangwe ba le babedi le yo mongwe yo a tlhokafetseng fa wa borarao a emetse go amogela katlholo ya gagwe.
Fa a rola katlholo, mmakaserata Sibanda one a amogela kgang ya gore mosekisiwa ke lantlha a dira molato ebile a sa senyetsa lekgotla nako ka go amogela molato, le ntlha ya gore mosekisisiwa a santse ale mo dingwageng tsa gagwe tsa bonana. BOKHUTLO
Source : BOPA
Author : Gaone Bonang
Location : MOLEPOLOLE
Event : Tsheko
Date : 05 Mar 2015
Related News
15 Oct 2025
15 Oct 2025
Bomaipaafela ba laetswe go fuduga
14 Oct 2025
Kgosi Tshipe o bolotsa letsema
14 Oct 2025
Banni ba kopa go bewa ditsha
13 Oct 2025