Kgosi Segale o boela tirong
01 Apr 2014
Morago ga go nna dingwaga di ka nna pedi a ntse a seegetswe fa thoko mo tirong, Kgosi Segale Linchwe wa Bakgatla o laotswe go boela tirong go simolola Mosupologo.
Se se tla morago ga gore tona wa dikgaolo le tlhabololo ya magae, Rre Peter Siele a laole gore Kgosi Segale a boele tirong. Kgosi o boela tirong jaana a filwe maemo a go nna moemela kgosi.
E rile mo potsolotsong, Kgosi Segale a lebogela gore a bo jaanong a boela tirong gore a kgone go thusa le go direla morafe wa gaabo. A re, ke ka lebaka Bakgatla ba sokola go bona dithuso mme poelo ya gagwe mo tirong e tla a fokotsa letlhoko le le neng le le teng.
Kgosi Segale a re, go boitumelo mo go ene mme o lebogela puso go bo e mmuseditsa mo tirong. Bokhutlo
Source : BOPA
Author : Booster Mogapi
Location : MOCHUDI
Event : Potsolotso
Date : 01 Apr 2014
Related News
02 Apr 2026
01 Apr 2026
Sekole se tlaa bulwa
01 Apr 2026
Ipabaleleng tseleng
31 Mar 2026
Ba Tsabong ba rapelela ditsela
31 Mar 2026