31 Oct 2017

Mapodisi a Maun ba tlhotlhomisa tiragalo e mo go yone rre Tebagano Monnaatshipi wa dingwaga tse 26 wa kgotlana ya Sedie-Maphane mo Maun mme a tlholega mo kgotlaneng ya Boyei ko Etsha 6 a neng a timela ka kgwedi ya Phatwe a tlhola malatsi a le borobabobedi (25/08/17).

Maposisi a kaya fa rre yoo a le boleele jo bo ka nnang 1.6m, a le montshonyana ka mmala, o itekanetse mo tlhaloganyong, o na le moriri o mokhutshwane, o rwele lenyena le lesweu mo tsebeng ya moja.

La bofelo a bonwa o ne a apere borokgwe jwa bokate jo bokhutshwane bo le bosweu, sekipara se serokwa sa mabogo a makhutshwane le ditlhako tsa Puma tsa diteki.

Mapodisi a kopa ope yo o ka tswang a na le kitso ka rre yo a ka tswang a le teng go ikolaganya le ba sepodisi mo megaleng ya toll-free 080060040, 6860582, 6860223, 999 kana go ikgolaganya le mapodisi a a gaufi. BOKHUTLO