27 Jun 2018

Modulasetilo wa komiti e e rulaganyetsang ditshupo tsa temo-thuo tsa Molepolole, Rre Samuel Mapitse o ikuetse mo setshabeng le beng ba dikgwebo go thusa mo paakanyetsong ditshupo tse di tlaa tshwarwang kgwedi ya Phukwi a le 25 go fitlha a le 29. 

Rre Mapitse o tlhalositse fa dipaakanyo di tsweletse ntle le letlhoko la madi, mme a kaya fa ditshupo di tlaa tswarelwa kwa mabaleng a ditshupo a Molepolole.

Modulasetilo o kaile fa go ikgogela morago ga kompone ya Debswana mo go rotloetseng bafenyi ba ngogola go ba amile ka go ba tlogetse ba sena morotloetsi mo karolong eo.

A re ba ikuela mo go botlhe go ba tswa thuso, segolo jang ka ditshupo tse di fa bagwebi sebaka sa go supa bothakga jwa bone le gone go kwatabolotsa mo go ba bangwe. 

Rre Mapitse a re ba rulagantse go tshwara kgaisanyo ya mmabontle Phukwi a le 20 go tsibosa setshaba ka ditshupo tse di tlaa tshwarwang beke morago ga moo. BOHKUTLO