05 Feb 2018

Mapodisi a Kanye a tshegeditse banna ba le babedi ba kgotla yoora Sebonego le ga Kebuang mabapi le molato wa go itseela dikobo ka dikgoka.

Mo potsolotsong le BOPA ka Labone mogolwane wa mapodisi a Kanye, Superintendent Mmoloki Mogale, a re monna wa dingwaga tse di masome mane le botlhano wa kgotla yoora Sebonego kwa Kanye o beteletse mogodi wa dingwaga tse di masome a a ferang bongwe wa kgotla eo.

A re tiragalo e, e diragetse Hirikgong a le masome mararo kwa Kanye kwa lwapeng lwa mme yoo.

Supt Mogale a re e rile morago ga bolelwa fa mme yoo a robaditswe kwa kokelong ya Seventh Day Adventist gone kwa Kanye.

Mo go e nngwe tiragalo, go bolelwa fa monna wa dingwaga tse di masome a a ferang bobedi a beteletse mosetsana wa dingwaga tse di masome mabedi botlhe e le ba kgotla ya ga Kebuang kwa Kanye.

Supt Mogale a re banna ba botlhe ba tshegeditswe ke mapodisi fa ditlhotlhomiso di santse di tsweletse.

Fa a itebaganya le borukutlhi, Supt Mogale a re o tshwenngwa ke borukutlhi jwa go thujwa ga marekisetso kwa Lotlhakane East.

A re marekisetso otlhe a kwa Lotlhakane a thubilwe.

A re go tswa kgwedi eno e le lesome le boferabobedi go thubilwe marekisitso otlhe a a koo le matlo mangwe ga ba ga utswiwa dithelebishene tsa dipolasema di le thataro.

Ditlhotlhomiso di santse di tsweletse go batla dirukutlhi le gore dithoto di ka tswa di jele bokae. BOKHUTLO