Khansele e ikaelela go tokofatsa lehuti la matlakala
16 Aug 2025
Mogolwane wa khamphani ya Envesys, e filweng boikarabelo jwa go tlhokomela lehuti la matlakala kwa Pilane, Rre Geoffrey Koodirile a re ba tsweletse ka go tswa ka methale e ka tokafatsang selebego sa lefelo leo.
Rre Koodirile a re maiteko a go laola seemo kwa lefelong leo a kgoreletswa ke dikgwetlho di le mmalwa di akaretsa batho ba ba tshelegelang kwa lehutung leo, ba nopola tse di ka busetswang mo tirisong kana tse ba ka itshetsang ka tsone.
A re dipelaelo ke gore bangwe ba bone ke bone ba tshubang matlakala gore ditshipi di kgone go senoga ka e le dingwe tsa tse ba di rekisang go dira letseno.
Rre Koodirile a re bangwe batho ba ba selang matlakala kwa lefelo leo, ba kgaola terata gore ba kgone go tsena, mme e le seemo se se kgoreletsang maiteko a go fokotsa kgotelesego ya tikologo.
Le fa go ntse jalo, Rre Koodirile a re khamphani ya bone e tsweletse ka go tokafatsa tshireletsego ya lefelo leo, a re sengwe sa tse di dirwang ke go oketsa palo ya batlhokomedi ba lone. BOKHUTLO
Source : BOPA
Author : Mmoniemang Motsamai
Location : Mochudi
Event : Potsolotso
Date : 16 Aug 2025
Related News
04 Sep 2025
04 Sep 2025
Ba lela sa khuranyo ya meno
03 Sep 2025
Go itse seemo sa mogare go botlhokwa
03 Sep 2025
Tsibogelang malwetse - mooki
02 Sep 2025
Khansele e rotloetsa tikologo e phepa
02 Sep 2025