30 Jul 2025

Bakeresete ba kopilwe go tsenya letsogo mo ditirong tsa ba ba tlhokileng lesego mo setshabeng.

Rre Emmanuel Boiteto, yo o neng a eteletse mogwanto wa kereke ya UCCSA kwa Serowe bosheng, a re ba tshwanetse go leka ka bojotlhe go kgobokanya le go thusa bangwe ka bone kwa motseng wa Thabala ba ba senang boroko.

Rre Boiteto o ne gape a ba gakolola gore ba kope botlhale jwa go direla ba bangwe mo Modimong, le go nna le mowa wa bopelotlhomogi.

Rre Boiteto, yo o neng a direlwa dipampiri tsa go kopa madi mo setshabeng, o ne a kgona go kgobokanya P3 990, mme a a tlatsa gore madi otlhe e nne P8 000.

A re ntswa madi a o a sa lekana, a ka dira pharologanyo mo botshelong jwa yo o tlhokileng lesego. 

E rile a ntsha mafoko a malebo, Mme Gasewasepe Nthobatsang, o ne a leboga Rre Boiteto go sa ipona tsapa fa ba mo laletsa a kopa gore le ka moso o mongwe fa ba kopa dithuso a seka a ba gana.

O ile a rotloetsa phuthego go re ba seka ba inyatsa ka ba ne ba tsile ka 

dipalo tse di potlana, a supa gore kwa Modimong ba bantsi. BOKHUTLO