23 Jan 2018

Maloko a lekgotla la babereki la National Amalgamated Manual Workers Union kwa kgaolong ya Bokone Botlhaba ba tlhophile Rre Osele Senyama le Rre Salani Makumule go nna modulasetilo le mothusa modulasetilo wa komiti ya lekgotla leo mo kgaolong eo, ka go latelelana ga bone.

Komiti eo, e e tlaa berekang mo sebakeng sa dingwaga tse tharo, e tlhophilwe jalo mo ditlhophong tsa lekgotla tse di neng di tshwaretswe kwa Masunga ka bofelo jwa beke.

Rre Senyama, o gapile maemo a bodulasetilo a sena moganetsi, a tsaya mo go Rre Gorontshwang Ditetso yo o neng a seka a emela maemo ao, fa Rre Makumule ene a gapile maemo a mothusa modulasetilo ka batlhophi ba le lekgolo le lesome le motso a fenya Rre Baatshwana Mothagodi yo ene a boneng batlhophi ba le masome a marataro.

Maemo a bokwaledi a ne a gapiwa ke Mme Koopela Lathe ka batlhophi ba le masome a ferabobedi le boferabobedi (88), a gaisa jalo Mme Dimakatso Samu yo ene a boneng batlhophi ba le masome a ferabobedi le motso (81).

Mme Norah Mafojane le Mme Hilda Sephekolo bone ba ne ba phamola maemo mothusa mokwaledi le motshwara madi ka go latelelana ga bone ba sena baganetsi.

Maloko a mangwe a tlaleletso a komiti eo ke borre Shadreck Chisanga, Lenthabetse Thapisa, Moshe Bafane le bomme Irene Chalegwa le Thokozile Ramakele.

Ditlhopho tseo di ne di tsamaisiwa ke modulasetilo wa lekgotla la BLLAHWU la lekalana la Masunga, yo gape eleng modulasetilo wa lekgotla la BOFEPUSO kwa lekalaneng la Masunga, Rre Gaborone Manga a thusana le leloko lengwe la BLLAHWU, Rre Mogotsi Oitsile.

Fa a ema komiti e ntsha ka lefoko, Rre Manga  o ne a re ba tshwanetse ba itse fa mo maemong a ba tseneng mo go one ba tlaa kopana le dikgwetlho ka go farologana, tse di akaretsang le gone go kopana le mafoko a a botlha gotswa mo malokong, ba ipelaetsa kemedi ya bone.

A re fela ba seka ba kukega maikutlo mme ba diragatsa boikarabelo jwa bone ka fa go tshwanetseng ka teng, a tlatsa ka go gakolola komiti eo go bereka mmogo le lekgotla la gagwe gammogo le ene, jaaka komiti ya pele e ne e dira.

A re ba seka ba ipona tsapa go kopa dikgakololo mo go ene fa go na le sengwe se se ba tsietsang,  a tlhalosa fa a tlaa bo a ikemiseditse go ba thusa ka dinako tsotlhe. Rre Manga o ne a bo a gwetlha maloko a a latlhegetsweng go tswelela ba tshwere ka thata.

Maemo a bokwaledi a ne a gapiwa ke Mme Koopela Lathe ka batlhophi ba le masome a ferabobedi le boferabobedi(88), a gaisa jalo Mme Dimakatso Samu yo ene a boneng batlhophi ba le masome a ferabobedi le motso (81).

Mme Norah Mafojane le Mme Hilda Sephekolo bone ba ne ba phamola maemo a mothusa mokwaledi le motshwara madi ka go latelelana ga bone ba sena baganetsi.

Maloko a mangwe a tlalaletso a komoti eo ke borre Shadreck Chisanga, Lenthabetse Thapisa, Moshe Bafane le bomme Iren Chalegwa le Thokozile Ramakele.

Ditlhopho tseo di ne di tsamaisiwa ke modulasetilo wa lekgotla la BLLAHWU la lekalana la Masunga, yo gape eleng modulasetilo wa lekgotla la BOFEPUSO kwa lekalaneng la Masunga, Rre Gaborone Manga a thusana le leloko lengwe la BLLAHWU, Rre Mogotsi Oitsile. Fa a ema komiti e ntsha ka lefoko, Rre Manga  o ne a re ba tshwanetse ba itse fa mo maemong a ba tseneng mo go one ba tlaa kopana le dikgwetlho ka go farologana, tse di akaretsang le gone go kopana le mafoko a a botlha gotswa mo malokong, ba ipelaetsa kemedi ya bone.

A re fela ba seka ba kukega maikutlo mme ba diragatse boikarabelo jwa bone ka fa go tshwanetseng ka teng, a tlatsa ka go gakolola komiti eo go bereka mmogo le lekgotla la gagwe gammogo le ene, jaaka komiti ya pele e ne e dira.

A re ba seka ba ipona tsapa go kopa dikgakololo mo go ene fa fa go na le sengwe se se ba tsietsang,  a tlhalosa fa a tla bo a ikemiseditse go ba thusa ka dinako tsotlhe.

Rre Manga o ne a bo a gwetlha Maloko a a latlhegetsweng go tswelela ba tshwere ka thata mme ba berekele lekgotla, a re go bo ba sa tlhophiwa, seo ga se reye gore maloko a lekgotla a ba tlhoile ka tsela nngwe.

Fa a tswa la gagwe, modulasetilo wa pele wa lekgotla leo, Rre Ditetso yo o neng a latlhegelwa mo maemong a a neng a ipatla mo go one a go nna leloko la tlaleletso, o ne a supa fa gongwe le gongwe fa go nang le phadisanyo teng go nna le mofenyi le molatlhegelwa.

Le ene fela jalo o ne a gakolola komiti go bereka ba le ngata go leka go diraragatsa maitlamo a lekgotla, a bo a gwetlha modulasetilo go tsaya maloko ka tekatekano.

Modulasasetilo yo mosha, Rre Senyama o kopile maloko a komiti ya gagwe go nna boineelo fa ba diragatsa thomo e ba e filweng , a re le fa maloko a ka tla kwa go bone a kukegile maikutlo, bone ba seka ba itepatepanya le bone. BOKHUTLO